اليـلو فـيس و الـجولدن - الفرق بينهم

الـفـرق بـين اليـلو فـيس & الـجولدن

----------------------------------------------------------

أصفر الوجه أوالـ  yellow face  طفره رائعه تحول لون وجه البادجي الأبيض إلى لون أصفر ودا بيخلى الطيراكثرجمال واناقه ..
احنا عندنا 3 درجات من اليلو فيس وهنقسمهم ونشرحهم بالتفصيل ان شاء الله 

****************

1- يلو فيس نوع اول :

-----------------------
بيبقى اللون الاصفر فى الوجه بس وبيكون خفيف والعصفور عمره صغير واما يكبر بيكون واضح بكتير بعد القلش يعنى بعد ما يكمل 5 شهور اواكثر ..
ودى صور لعصفور اقل من شهرين ودا النوع الاول ..
وهنلاحظ ان اللون الاصفر مختفى فى الجسم وواضح بس فى الوجه وهيتقل عن كدا لما العصفور العمر بتاعه يكبر شويه ..

2- يلو فيس نوع ثانى :

--------------------------
بيبقى فى الوجة والجسم كلة يعنى بتلاقى علامات صفره خفيفه كمان فى الجسم وبتكون واضحه عند اطراف الجناح والديل بدرجات مختلفه لكن ليها ثأثير فى الجسم واضح برضوا ..

ودى صور لعصفور اقل من شهرين ودا النوع الثانى ..
وهنلاحظ ان اللون الاصفر قليل جدا فى الوجه بس واضح فى الديل ودا لان العصفور لسه صغير لما بيكبر اللون بيكون واضح عن كدا شويه .. 

3- يلو فيس نوع ثالث (جولدن فيس ):

-------------------------------------------

بيبقى درجة الاصفر فى الرأس غامق جدا وتقيل زى الذهب ودا بيعتبر اجمل الالوان حتى فى تركيبه العصافير بنلاقى اللون واضح بشده ودا  بيدى جمال روعه .. 

الملخص

آن هنلاقى" الجولدن" الأصفر تقيل جدا وواضح بشده 🔥

أما " اليلو فيس " هتلاقى الاصفر خفيف وباهت بدرجات 🌺

***********************

***********************